2026 жылы 29 сәуірде Қызылорда облыстық мемлекеттік архивінің қызметкерлері А.Байтұрсынов атындағы № 211 орта мектебінде ұйымдастырылған «Тілге бойлау: Тіл білімі мектебі» жобасы аясында өткен «Тілді дамытудағы ынтымақтастық: бірлесе әрекет-нәтижелі болашақ» атты облыстық шараға «Алаш арыстары – ел тірегі» тақырыбында архив қоры құжаттарынан жылжымалы көрме ұйымдастырды.
Көрмеге Қазақ АКСР-нің Қызылордадағы үкімет қызметкерлерінің, Ақмешітте 1925-1929 жылдары жұмыс жасаған «Еңбекші қазақ» редакция ұжымы С.Мұқанов, С.Сейфуллин, Ғабдуллин және т.б. түскен сурет, 1927-1929 жылдары Қызылордада халық ағарту институтында қызмет еткен С.Сейфуллиннің қолы, институтта А.Байтұрсыновқа, Т.Жүргеновке, С.Мұқановқа сағат бөлу туралы хаттама, А.Байтұрсыновтың институт жанындағы №8 месткомға жазған хаты, 1928 жылы Қызылорда қаласында қазақ жазуын латын әліпбиіне көшіруге байланысты өткен мәжіліске қатысушылар Қ.Жұбанұлы, Т.Шонанұлы, Б.Майлин, І.Жансүгірұлы, Ж.Аймауытов, О.Жандосов, 1927 жылы Қызылордада өткен Республика педагогтарының ІІ пленумына қоғам қайраткерлері М. Дулатов, А. Байтұрсынов, С. Сәдуақасов түскен суреттер қойылып, шара қонақтарына таныстырылды.
